高清ATV的來臨

踏入12月，香港開始進入數碼廣播的新年代。雖然數碼電視廣播要到年底先係正式推行，而且預料香港只有一半地區會睇到，但好多人都急住好想快D睇。（包括我在內）

政府話初期慈雲山會開始發放數碼訊號，理論上，九龍半島一帶都會收到。不過我試過，我個區都係九龍，但真係乜都收唔到。

你可能會話，你大廈都未改裝。我當然知，但我用緊某隻版子的USB 數碼電視 tuner，用外接天線，係空曠兼離遠見到慈雲山個座山的地方試，乜都收唔到。唔係要質疑某本雜誌的介紹，但隻tuner似乎真係有點問題。我決定明天去番個本雜誌附近的地方再試，有機會再匯報。

好啦，你話訊號弱。數碼電視廣播的好處，就係訊號弱都會有畫面。

無線係今晚節目介紹，都開始有講數碼廣播先有得睇的高清2台的節目，講真好耐以前已無睇4個台，而家數碼廣播好鬼心急想睇，但又無得睇。好灰。

仲有朋友整段而家播緊的亞視高清台的片段我睇，嘩，D畫質正到。頂，幾時先輪到我有得睇呀...

最後，建議大家諗清楚先好買個隻USB TV Tuner，否則買左返黎靠佢個支外接天線未必收到。（我住觀塘區，但都收唔到。好近慈雲山可能先收到）